طالب جانه - ۲۳

طالب جانه - ۲۳

طنزیه څلوریزې

محمود نظري

طالبه دنیاوال سترګور، تاسو غوندې قاریان نه دي

هغه چې اغیار نه وژني ورور وژني غازیان نه دي

چې خپل سپي درته غاپي د دښمن ګوله یې خوړلې

چي تل د ملت پر ژړا خاندي هغه یې دوستان نه دي

***

علما بې قانونه ځای اوسیمې ته ځنګل وایي

دنیا وال بیا یخی ولاړي اوبو ته کنګل وايي

یویې د ژوو ځای سي بل د کبانو زندان سي

طالبان له هغو تښلي انسان ته پاګل وایي

تښلی( تښتیدلی)

***

طالبه جانه خبر یي د هرملک د واک لاټو څرخي

دم درحاله د تورلینګي د مرییانو او مکټو څرخي

وایي فقر په ښه عدالت ختمیږي نه باټو او غرتو

د نظام ژرنده کله د هیوادونو په ناپاکو توکوڅرخي

لاټو( دماشومانو د لرګو چرخ)، ( تو(تف)، مکټو( بی کاره)

***

د بادار ترخې خبرې بې فرهنګه ته شکري نه دي څه دي

د طلبا د عقل له غشو د افغان لري پنچري نه دي څه دي

خبریاله طالب سرنه خلاصوي ولي دا زړه پېته تکراروې

طلبا ته په پام وګوره دا د تورجهل لښکري نه دی څه دي

لری( د حیواناتو معده)

***

ګاونډ طالب جان با فرهنګه ، خو نه افغانان بولي

اوس په هرځای کي د طالبانو استازي ځان بولي

طالبان تل له یوه سوري زر واري چیچل کیږي

تاریخ دوه واري چیچل سوي، غول سادګان بولي