سربداله افغان ته! - ۲۶

سربداله افغان ته! - ۲۶

طنز- محمود نظري

د زورورو خلکو ولي دوه جمع دوه پېنځه کیږي؟

د لویو خلکوولي د خولې تل وته د ښکانځه کیږي؟

که يې خېټه له علمه ډک وي دا مردارۍ له کومه سوه؟

په دې وطن کې په معجزه د ډالرو لوشل له ګړوځه کیږي

ګړوځه( بی پیو غولانځه)

***

رښتیا اخیر نه اخیر لکه لمر راخېژي

تل لیوني ولي زموږ پر ټټر راخېژي

مړو زمریانو ته ان موږکان واعظ کوي

بڼکه په لږ باد له غرو تر سر لوړیږي

***

دلته ډیر ښه چلیږي زورمټي

د پوهو عصري خلکو سرټیټي

که ځان له ناحقه ساتې ستاینه کوه!

دلته ښه چلیږي تر ټولو تالي څټي

تالی څټي( غوړه مالی)

***

سړی له قالبه ډیر مه پړسوه، چوي

دا خېټي بوغیاني ډیري مه پړسوه چوي؟

نا پوه مشران پسه ولس بی اوره الوۍ وي

د ناپوه دغرور ټایر ډیر مه پړسوه چوي؟

الوۍ( په اور ټول پسه کباب ول )

**

تحصیل به ونه کړې ګراني، دا زما د وزیر وعده ده!

ډاکتره به نسې ګراني دا زما د پيري امیر وعده ده!

هغه چې بیسواده اوبیکاره دي زموږ په خوله دي

د هري بې سوادو انجونو د درو بنو سره د ګذارې وعده ده

***