ملا او سیاست - ۱۳
- محمود نظری
- May 10, 2022
- 1 min read
ملا او سیاست - ۱۳
طنز
محمود نظري
خوله بنده کړه خلک دی کچه د ماغزه ویني
په پټه خوله دی خلک بی کچه ماغزه ویني
که دي کنډوله خوله خلاصه کړه رسوا به سې
ټوله دنیا به دی تر ټولو کچه ماغزه ویني
کچه( اندازه ،خام او وړوکی ) ، بی کچه ( لا محدود)
***
دننه رسمیت نه لرې، له بهره رسمیت غواړې
خپله قانونیت نه لرې، له نورو قانونیت غواړې
لکه کوڼ خبره په یوه سلا کوي د بل نه اوري
عجبه په ناروا قتلونو هم دنیا هم اخیرت غواړي !
***
اسلام ټول عربي نا پوه جاهلان مسلمانان کړل
ټول سارایي او بازاري بدماشان انسانان کړل
د اسلام دښمنان هغه مسلمان سوي جاهلان دي
یوې ډلې په جوله بدلولو ځانانونه شیخان کړل
***
که مسلماني وي په ډیرو لمونځونو
چرګ ښه مسلمان دی په ډیرو اذانونو
موږ بسلمانان مسلمانانو ته کافران وایو
ژوند تیر سو یو بل ته په غوړو جرتکونو
***
ملا پښه دي د فیل کړه، پام چې یې ونه ښوروې
د دې خوار ملت له غاړه یې ایسته او ونه خوځوې
د هر چا عقل د هغه د لونګۍ د ولونو په کچه دی
د ناصیې په خوله کوه، د بل په اشاره يي ونه ټپوي
ناصیه( د ککرۍ د مخه خوا چې د ګناه برخه ده )
***
Comments