ملا او سیاست - ۱۵

ملا او سیاست - ۱۵

طنز- محمود نظري

غاټول چې وغوړیږي د میو د جام بوی ورکوي

انګور چې پاخه سي د میو خام بوی ورکوي

مشر خمار، قانون بیمار، ولس روزګار،واه !!!

چې طالبان بوی کړی د پردیو د غلام بوی ورکوي

***

امریکا د خپلو نه وژولو، ملایان د خپلو وژولو اتلان دي

ملایان دنیا ته د زاریو او افغان ته د برېت تاوولواتلان دي

متل دی وایي بیزو ته څه پته ده، د ادرک خوند څه دی

دنیا د ولس د پرمختګ او ملایان یې د شا تلولو اتلان دي

***

د ملت اړتیاوي د چړیانو له فیصلوسره اړخ نه لګوي

تودې غوښتنې له ملایانو یخچالو سره اړخ نه لګوي

د تقدیر څرخ به اخیر هر ملا په یو مسجد کې وغورځوي

ملا زرین میخ سو له جرګې او ټاکلو سره اړخ نه لګوي

***

ملاویل: چې شی پیدا کړئ دری واره وایاست دا د چا دی

خپله یی شی پیدا کړ وي کتل څوک يی ترخوا او شا دي

یو مقتدي یی ورته ورو ویل: تا د پیدا کیدو څه ونه ویل!

ملا ویل: ما په پاک زړه کې ان څلور واری وویل دا زما دی!

***