واه واه شیخه! - ۲۰

واه واه شیخه! - ۲۰

طنز- محمود نظری

شپون مو ورک او پټ دی په غارو کي

لیوان يي ایله کړي د پسونو په رمو کي

بی اختره د اسلام په چاړه خلک حلالوي

هیڅ امر د امیر څوک نه مني په ښارو کي

***

ټوله ورځ شاړپاړ اخته دي د اوداسه په مکروهاتو

د ناهل وزیر، د مړپړ امیر په کراماتو او ښو صفاتو

په ګردي میزو مو هر نادان یوازې خپل صفت کوي

نه وايي ملاولي د خېټې اتمي بم غورځوي پر عاجزاتو

شاړپاړ( جاهل )

***

عالمان مو وړیا اروپا ته ورسول، لاڅه شي غواړئ؟

خلک مو د فقرتر لوړې رتبې ورسول، لاڅه شي غواړئ؟

د مکتب مکتب بند فرمان مي درته صادر کړ، شکر وکړئ!

ټول اداری نظام مي په مرداریو ولړه، لا څه شي غواړئ؟

***

په ملي تجارت کې تر ټولو ښه د دین دوکانداري ده

په سیاست کې تر ټولو ښه د خودبین فرمانبرداري ده

دلته ښه دهر طالب په هر کار کې ډیره بې ایماني ده

ځکه سپورت کې دڅو ښځو ملایانو تمرین خانه داري ده

***

تا خیرن د واک لپاره طریقه لومه کړې ده

خپله ببره ږیره دي مور ته دپلومه کړې ده

د وطن ټوله وینه دي اینده کړه لا چولاوه يي

ولس ته خپله ظالېمه ډله دي مظلومه کړې ده

طریقه ( دین ). مور ( وطن)، چولاوه ( ډیر تږی) ، اینده( په یوسا چښل)

***