واه واه شیخه! - ۲۴
- محمود نظری
- Oct 12, 2022
- 1 min read
واه واه شیخه! - ۲۴
طنز- محمود نظری
دلته ان سره وینه تویول تر اوبو اسانه ده
د چا په مظاهره، د چا په سازو څاپه روانه ده
دلته ځوانان د ملي بیرغ په مینه بد رنګه کیږي
تر« مه کوه!» ویولو، وهل په کیبلو ارزانه ده
***
بد هغه چي وجدان د یو چا مړ سي
بل هغه چي ایمان د چا اړوتړ سي
انسان کله لکه حیوان په شرم پوهیږي!؟
بد هغه چې انسان، حیوان ته اړ سي
اړوتړ( چل)
***
ملا ته د وړیا حلوا، خورا جنسي غریزه ورکوي
له بیت الماله غلا ته نوم اسماني معجزه ورکوي
داسې اهلکار لا هم سته اونۍ که غبرګ ودونه کوي
شیخ داسي زن کارو ته دښه اهل کار جایزه ورکوي؟!
***
کله د جمهورانو مستي ده، کله یې نیستي ده
په هر وطن کې د یو پوه مشر لرل هستي ده
د دې وطن په نصیب یو پټ ډارن امیر سو
همدا دلیل دی چي د هر طالب دلته خرمستي ده
***
مارګیر اخیر د خپل هوده سوي مار ښکار دی
هر هغه چې غلط شیان وایي هغه مکار دی
ساده، احمق ته جواز ورکوي دهغه واکمن سي
دا مو د خپلو شاړپاړ سادګانو ډیر لوی ابتکار دی
شاړپاړ( بیعلمه)
Comments