واه واه شیخه! - ۳۳

واه واه شیخه! - ۳۳

طنز- محمود نظري

د تورظالم لیوه خوله پر موږخوندېدلې ده

زموږ پټه خوله يي هر وخت ملا تړلې ده

هریو راته له ویرې وایي چش: څه مه وایه!

هرکله یې ددین په نوم مرداری په موږ څټلې ده

***

شیخان خپله هره ګناه د خدای په غاړه اچوي

د خپل کفر په کفاره بیا په غاړه د پسه چاړه اچوي

نور د مذهب په نوم خېټي سیاست پریږده شیخه!

هره ګناه ولي شیخ په لیوه نه د پسه په رمباړه اچوي

***

بس که! دلته کله اسلام سته، کله مسلماني

هر چیري سارايي محاکمه ده، کله قانوني

بې سرپوښه دولت دی، هر څه ورلویږي

هر څڼور د بل د کاکل ګندنه ریبي په زورزیاتي

***

څه چې لوده دنیا موږ نه مني،موږ شکر ډیرخوشکیت لرو؟

په دې ښو تورو کړو،شکرسپین بیرغ په نامه د اسلامیت لرو؟!

دنیا دي غاپي زموږ کاروان ترکستان ته رهي دی، رسیږي

که دنیا اتوم لري، موږ په پټاوبم د هغو د وژولوصلاحیت لرو؟!

***

د نن شیخ په خبرو کي منطق نه پیدا کیږي

په ټولو کښې یوعالم او ناطق نه پيدا کیږي

په یو دین کې دوه شیخان یوه خوله نه دي

د مړامرغوړمالي ته یو منافق نه پیدا کیږي

ناطق ( د شعور خاوند)،نطق ( وینا )

***